Premijer Zdravko Krivokapić rekao je da u pregovorima o rekonstrukciji nije problem Vlada, niti njeni rezultati.
“Ovdje nije problem Vlada ni rezultati Vlade koje svi osporavaju. Problem je što neko namjerno i nenamjerno neće da rješava probleme, a glavni problem je Tužilaštvo”, rekao je predsjednik Vlade.
“Mi radimo punim kapacitetom, programski djelujemo i pokušavamo sve što je do nas da uradimo. Svi neka se bave sa onim što je njihova nadležnost. Ja kada dođem na ovakav skup vrlo se osjećam loše jer imamo toliku snagu i mogućnost, ali ne umijemo da je iskoristimo”, dodao je on.
Upitan da li želi DF u Vladi kaže:
“Ja sam premijer, a to treba da bude dogovor parlamentarne većine, a nakon toga ću ja imati stav. Kao što sam rekao, 41 poslanik treba da se dogovori i kaže šta želi. Bio sam zadovoljan početkom pregovora, ali sam bio iznenađen stavovima pojedinih. U Crnoj Gori beznačajne stvari postaju važne, a važne se zanemaruju “, završio je Krivokapić.
