Nedavno je ministar ekonomskog razvoja Jakov Milatović obećao da će pokušati da nađe model da prije Nove godine pruži jednokratnu pomoć zaposlenima. Metalac je 2016. godine kupila češka kompanija Termohem. Za vrijeme od dvije godine, koliko nema proizvodnje, češka firma, na koju su se radnici Metalca vodili kao zaposleni, prodata je drugoj kompaniji iz Slovačke
Radnici nikšićkog Metalca okupili su se danas ispred kapije firme kako bi podsjetili da je prošlo dvije godine od kako je obustavljena proizvodnja u fabrici. Za to vrijeme radnici, kojima se duguju 24 zarade, nijesu primali plate. Nedavno je ministar ekonomskog razvoja Jakov Milatović u razgovoru sa zaposlenima obećao da će vladin resor, na čijem je čelu, pokušati da nađe model da prije Nove godine pruži jednokratnu pomoć zaposlenima. Iako je firma u privatnom vlasništvu radnici se nadaju da će im Ministarstvo izaći u susret, a ukoliko se to ne dogodi, kao mogućnost najavljuju da će svoje zahtjeve tražiti kroz proteste.
[caption id="attachment_68136" align="alignnone" width="1260"]
printscreen[/caption]
Da podsjetimo Metalac je 2016. godine kupila češka kompanija Termohem. Za vrijeme od dvije godine, koliko nema proizvodnje, češka firma, na koju su se radnici Metalca vodili kao zaposleni, prodata je drugoj kompaniji iz Slovačke.
„Jutros nas je kontaktirala gospođa iz Ministarstva ekonomije sa molbom da se strpimo još malo. Znači da Vlada pokušava svim silama da riješi naš problem, ali, ipak, u toj priči se pominje da smo mi privatna firma i da tu ne može još uvijek da se nađe nikakav modus. Za dalje ćemo se mi dogovoriti“, kazao je radnik Metalca Veselin Strunjaš, ističući da razmišljaju i o protestima sa porodicama pred Vladu.
