Dok polako prilazimo staroj zgradi u čijem se prizemlju nalazi rustični izlog pun poslastica, na samom ulazu iznad vrata stoji već 40 godina tabla sa nazivom AVALA. Na vratima, od kada nas sjećanje služi, nasmijani vlasnik Mujo. Uz par toplih reči ulazimo sa Mujom u malo carstvo poslastica. Naručujemo kačamak i dok bi nas u drugom gradu pogledali sa čuđenjem, Mujo priprema velike staklene čaše u koje servira šampitu i sladoled, mješajući ih u ukus koji podsjeća na djetinstvo svih nas.
[embed][/embed]
Avala je poslastičarnica koja već dvije generacije zaslađuje ovom poslasticom berance, a one koji dođu sa strane neobičan naziv poslastice isprva zbuni, a zatim, kada radoznalost pobijedi i probaju ovu u osnovi jednostavnu poslasticu, a onda to postane tradicija i jedno od obaveznih mjesta kada ponovo dođu u Berane.
