Tim sa Old Traforda je razočarao, odigrao je kod kuće neriješeno 1:1 sa Lesterom i tako gotovo izgubio sve šanse da se dokopa četvrtog mjesta koje vodi u Ligu šampiona.
Junajted se mučio bez Portugalca u špicu, Ralf Rangnik se odlučio da na "devetku" gurne Bruna Fernandeša i ostavi Markusa Rašforda na klupi, ali ni to nije bilo od koristi "crvenim đavolima".
Na pitanje zašto je Ronaldo izostao, Rangnik je prije meča rekao da je u pitanju bolest.
https://aloonline.me/region-i-svijet/srbija-predsednik-aleksandar-vucic-vijest/
"Imao je u petak neke simptome nalik gripu", kratko je obrazložio Njemac izostanak prve zvijezde tima, dodavši da je i Džesi Lingard takođe bio bolestan, iako je sjedio na klupi.
I Edinson Kavani nije mogao da nastupi, jer je dobio nezgodan udarac dok je nastupao u dresu Urugvaja.
Iako su šanse da budu četvrti sada samo teoretske, jer Arsenal ima tri boda više i dva meča manje, Rangnik je rekao da ipak nije sve gotovo.
"Sve dok je matematički moguće, moguće je. Nije važno kako će doći do toga, naša je obaveza, zbog nas samih i navijača, zbog svih da damo sve od sebe da završimo sezonu najbolje što možemo. To sada znači da se premamo za gostovanje Evertonu, da pokušamo da pobedimo tamo", zaključio je Rangnik.
