Organizatori ceremonije otvaranja Ljetnjih olimpijskih igara 2024. u Parizu izvinili su se zbog nekih aspekata događaja. Ovo prenosi Aloonline.me.

„Nije bilo namjere da se pokaže nepoštovanje prema bilo kojoj vjerskoj grupi. Željeli smo da proslavimo jedinstvo i toleranciju. Smatramo, s obzirom na rezultate ankete, da je ovaj cilj ostvaren. Ako su ljudi bili nečim uvrijeđeni, onda se, naravno, izvinjavamo“, rekla je An Dešamp, direktorka za odnose sa javnošću Igara u Parizu 2024. na konferenciji za novinare.

Otvaranje Olimpijade bilo je žestoko kritikovano. Konkretno, organizatori ceremonije optuženi su za nepoštovanje vjernika zbog parodije na sliku Leonarda da Vinčija „Tajna večera“.